ثامر .. Thamer

. Family Guy .

المسلسل الكرتوني الخالع

اول شي خلني اتكلم عنـ ..

سواه واحد ينقاله Seth MacFarlane

لقنـاه فوكس في سنه 1999،، وكان وراء انشاء هالمسلسل ..

وتم تطويره عبر سيث بنفسه ومعه David Zuckerman ،،

طبعا مسلسل كرتون امريكي وكل القصه تدور في مدينه كوهاق، رود ايلاند ،،

طبعا المسلسل توقف سنتين مره في سنه 2000 والثانيه في سنه 2002

و المسلسل له الحين 6 مواسم نازله وحنا الحين في الموسم السادس . .

الحلقه تقريبا مدتها من 20 الى 25 دقيقه ..

. Peter .

اب العائله المنتهي واللي مايرده شي ،، بالعربي غبي ،،

ودايم يوهق نفسه في اشياء غبيه ويحط نفسه بمواقف تفطس ضحك ! ..

اللي هو امريكي من اصل ايرلندي كاثوليكي الديانه هع ،،

يشتغل في شركه العاب ،، !

يحب فرقه kiss ويحب الطعام المكسيكي وهوايته صيد السمك والشرب !،،

عمره :42

اللي يميزه ضحكته اللي يضحكها ! ..

. Lois .

ام العائله وهي زوجه بيتر >> باللهي ،،

مولوده من عائله غنيه وحبت بيتر وتزوجته ..

تحب تعزف بيانو وتعلم الاطفال العزف ،، عشان تزيد مدخول العائله

وتمضي وقتها في الاهتمام بالعائله .. لولاها كانوا راحوا وطي

وقد جت مره وخانت بيتر مع الرئيس السابق بيل كلنتون ،،

. Meg .

بنتهم

ابوها بيتر هو زوج امها بعد وهي مب بنته بيولوجيا ً ابوها ماطلع في ولا حلقه،،

واكبر همومها ان يصير لها اصدقاء وحبيب يحبها وهكذا ! ..

طبعا ً مسحوبن عليها من ابوها وامها ومايعاملونها كانها بنتهم هههههه

عمرها 17 ،،

. Chris .

ولدهم ذو الاربعه عشر ربيعا ً >> امحق

طبعا ابن الوز عوام الولد متنح مثل ابوه

و أغبى القرفنز كلهم ،،

ودب مثل ابوه ،، احسن مافيه انه يعرف يرسم ،،

وعنده كميه من الذبات الغبيه اللي تخليك تضحك غصب ..

واغلب اللي يتابعون يحسبونه هو اكبر من اخته

بس العكس عاد هو الصح ..

. Stewie .

قلوب من هنا لين بكره ،،

هالخبل عمره سنه ويتكلم بلكنه انقليزيه بحته ،،

هو الوحيد الذكي واللي له نيات انه يقتل امه ويسيطر ع العالم كله ،،

وانه يحسب العالم كلهم ضده ،،

والوحيد الي يسمع له هو برايان الكلب حق العائله ،،

واللي ياخذه بجديه هع

واكثر شخصيه تحوز على اعجابي في المسلسل كرأي شخصي لي ..

. Brian .

كلب العائله عمره سبع سنين (49 سنه في عمر الكلاب )

يحب الشراب >>> وخزياه .. اشوا انه كلب بس >> اوت

سموه ع اسم العايله عشانه يعيش معهم

ويمديه يتكلم بطلاقه ويسوق سياره واحسن اصدقائه بيتر

بس انه اخر الحلقات صار مع ستيوي متوهق اكثر من بيتر هع ،،

وفي الموسم الخامس تصير له صديقه اسمه جيليان

و انها مغريه وجذابه >> مايمديكم ع الشرح

بس انها غبيه بشكل غير طبيعي من جد ! ..

الحين نجي للشخصيات اللي لها صله قرابه بالطخمان اللي فوق ،،

. Francis Griffin .

الاب الشرعي لبيتر بس موب الاب البيولوجي !

لكن في احدى من الحلقات اكتشف بيتر ان فرانسيس هو زوج امه (سابقا )

وعمره 80 سنه الله يعطينا طوله العمر وياكم ..

ويحب ينتقد كل شي ويحب الشغل كثير ! ،، ومتدين بقوه ،،

. Thelma Griffin .

ام بيتر الزكرتيه عمرها 82 ،، وماغير حرق سقاير ! .. يالله الصحه ..

وقالت لبيتر عن موضوع ابوه بعد ما مات فرانسيس زوجها السابق ،،

تزوجت بفرانسيس وتطلقت منه ،،

. Michael Seamus McFinnigan .

ابو بيتر !

عمره 68 وهو ابوه البيولوجي

ومن قالت له امه ان ابوك عايش في ايرلندا راح له ،،

هو وبرايان ودخلوا عليه في بار كان يشرب

وكان فيه مسابقه شراب وان ماحد يفوز فيها الا ابو بيتر بس

وعيا يقتنع انه ابوه الوراثي وتحداه في مسابقه الشراب ،،

وفاز عليه بيتر وقتها اقتنع انه من القريفن !

وافضل اصدقائه هو O’Brian ،،

نفس شكل برايان الكلب حق بيتر اللهم ان هذا خروف !

. Pewterschmidts Famiy .

اللي هم اهل لويس زوجه بيتر ،،

عائله غنيه وقويه وابوهم دايم يلعب بوكر مع

بيل قيتس ومايكل ايسانير اللي هو Ceo حق والت ديزني

و تيد تيرنر حق السي ان ان ،، >> موب سهل ابوهم

طبعا ً هذا شرح مبسط عنهم عشان مايطول الشرح

بس انهم مكونين من خمس اشخاص

كارتر (الاب) وباربرا (الام) ولويس وكارول وباتريك ،،

. Brown family .

مكونه من كليفلاند اللي عنده محل بقاله

ومطعم في نفس الوقت اللي هو ابرد شخصيه

بالمسلسل وعمره 42 بس مايمديك تعرف

وش يسوي في لحظه و متزوج من لوريتا

وعندهم ولد اسمه كليفلاند جونيور وباحدى الحلقات صار بيليه

. Swanson family .

مكونه من السرجنت جوي اللي هو جار بيتر

وهو معاق ويستخدم الكرسي لتحركه في كل شي ,,

ويشتغل في الشرطه ويحب يلعب بيس بول،،

ومتزوج لبوني اللي هي حامل ،،

تشتغل ربه منزل و افضل صديقاتها لويس ،،

ودايم يجتمعون في بار هو و بيتر وباقي اخوياهم اللي جايين نقول عنهم،،

وعندهم ولد اسمه كيفن دايم يضغط عليه

ابوه عشان يخليه الولد المثالي في كلش .. ،،

. Goldman Family .

مكونه من مورت ابوهم اللي يشتغل صيدلاني ،، ومدرس

وله صيدليه

وزوجته ميوريل ،،

وعندهم ولد يحب يتحرش في ميق احيانا ً اسمه نيل ،،

. Glenn Quagmire .

قلين الخبل عمره 41 ! جار بيتر واعز اخوياه ومعاه في الشله

يشتغل طيار و له كلمتين دايم يرددها Giggity giggity goo و Alll riiight ،،

و له تصرفات منحرفه منها ..

انه متولع بزوجه بيتر لويس هههه ونعم الخوي والله هع ،،

. Herbert .

الشايب المتخلف عقليا ً ،، له دخلات حلوه في المسلسل ،،

وعنده كلب مثله منتهي كحه والقبر هو ويا كلبه ،،

له تصرفات شاذه مع عيال الحي !

خصوصا مع موزعي الجرايد حيث يشهد مغامره كل صبح !

ومعجب بكريس ولد بيتر ههههههههههههه ،،

. Tom Tucker .

المذيع المحلي اللي يشتغل في قناه 5 مع ديان سمسونز

عنده علاقات متعدده ويخون زوجته واجد ،،

ويعاني من علاقه صعبه مع زوجته ،، >> اكيد بيعاني

. Adam West .

محافظ مدينه كوهاق ،، عمره 78 ،،

اللي يستغل فلوس الشعب عشان بحث شخصي له ،،

اللي هو ان وين المويه تروح لا روينا الازهار ؟ !

. Evil Monkey .

القرد الشرير اللي يسكن في خزانه كريس ،،

دايم يطلع ويخوف كريس وكريس يخاف منه ويحسب انه بيقتله ،،

وكل ماشكى لاهله كريس فطسوا ضحك عليه ،،

شغلته في المسلسل يطلع وياشر على كريس هههههه ،،

..

،،

،،

،،

،،

،،

،،

،،

،،

عقب هالشغلات الحلوه جا دور الصوت والصوره ،،

–

اللقطات كلها تفطس ضحك و كلها نفس المستوى ،،

over

Bird is the Word!

Pirate Chase

Bullfrog

Playing House

Speaking Italian

انصحكم لا يفوتكم شي ..

لهم فلم تم اطلاقه في سنه 2005 ..

اسم الفلم : Stewie Griffin: The Untold Story

مده الفلم : 88 دقيقه ..

حمل الفلم بالرعص على الصورة اعلاه :d

ولهم ست مواسم الان و السابع راح يبدا بعد ٥٣ يوم تقريبا ً ..

اسمهم Family Guy << ولك ساعه وش تحكي عنه !

برضوا كلك ع الصورة وتلقون السيزنات كلها .. ومشاهدة ممتعة ..

وان شاء الله اكون خفيف وشرحي مو دسم >> ايه طه ..

تحيتي ..

ثامر ..

* الموضوع موجود في منتدى باسمي وتم ارشفته هنا ..